TAGBILARAN CITY, Bohol, Feb. 9 (PIA) -- Gimanduan na sa Malakanyang ang tanang ahensya sa gobyerno, opisina, apil ang local government units (LGUs) nga mag-andam alang sa implementasyon sa Philippine Identification System (PhilSys) ug ang integrasyon niini sa government processes, databases, systems, ug services.

Sa Memorandum Circular No. 95 nga gilagdaan ni Executive Secretary Salvador Medialdea, giila nga “urgent need” o dinalian nga panginahanglan nga manduan ang kinatibuk-ang pangadgamhanan sa pagpahiluna sa mga lakang aron ipasalig ang mga pasiunang lakang pagseguro nga ang PhilSys ug ang ga kabahin niini, mapahaum sa mga proseso databas sistema ug mga serbisyo sa tanag mga ahensya sa kagamhanan aron mas mapasayon, mas dali ug walay hasol nga serbisyo sa katawhan ilabi na ang pagpatuman sa RA 11055 o “Philippine Identification System Act.”

Ang tanang ahensya sa kagamhanan, instrumentalities, departamentos, bureaus, buhatan , LGUs, GOCCs (government-owned or -controlled corporations), GFIs (government financial institutions), state universities ug mga kolehiyo ug tunghaan lakip na ang uban nga chartered institutions gimanduan na karon sa pa-paincorporate ug integrate sa ilang mga nagkadaiyang proseso, databases, identification systems ug serbisyo , ang PSN [PhilSys Number] ug PhillD [Philippine Identification] sa mga rehistradong individuals, sama sa ubang kabahin ug kinaiya sa PhilSys.

Gipasabut na usab didto nga ang PhilSys integration wala magtugyan ngadto sa mga ahensya sa kahigayunan nga makapanghilabut ug makapangawkaw sa bisan unsang paagi, sa PhilSys Registry system subay sa nakalatid sa memorandum.

Samtang ang tanang sakop nga ahensya gitahasan sa pagduso og PhilSys Policy ug Coordination Council (PSPCC) sa ilang PhilSys Integration Plans sulod sa 60 ka adlaw sa pag-epektibo sa Circular. (ECB/PIA7 Bohol)