TAGBILARAN CITY, Bohol, June 2 (PIA) -- Sa pagsulod sa buwan ng Hunyo, gisaulog usab sa nasod ang Philippine Environment Month.

Ang kasaulogan karong tuig nagdala sa tema nga “Aksyon Para sa Natatanging Mundo” diin gi-awhag ang pagsalmot sa matag usa  sa mga isyung pangkalikopan sama sa pabag-o bag-o sa klima, polusyon, pagkaguba sa mga habitat, ug uban pa.

Dungan niining pagsaulog ang panawagan sa Department of Environment and Natural Resources (DENR) alang sa mga sustainable actions o malungtarong mga aksyon aron batokan ang mga nahisgotang pangkalikopan nga emergency.

Gipanawagan usab sa buhatan ang kolektibo nga aksyon sa paglihok sa mga nasod sa tibuok kalibotan alang sa pagprotekta sa nag-inusara natong planeta.

Ang maong pagsaulog agi og pagsunod sa Proclamation No. 237, s. 1988 nga nagdeklarar sa buwan sa Hunyo isip Philippine Environment Month. (ECB/PIA7 Bohol)