SIQUIJOR, Siquijor, June 13 (PIA) -- Gipkayab sa Siquijor Police Provincial Office (SPPO) ug uban pang ahensiya sa gobyerno ang mga dagkong nabuhat sa Administrasyon ni Presidente Rodrigo Roa Duterte subay sa lahamugaway nga nasinati sa mga katawhan.
Bisan pipila na lamang ka adlaw ang nahibilin aron ipasangkad pa ang iyang serbisyo ug programa, walay pagduhaduha ang kapolisan sa Siquijor sa pagpasabwag sa kabilin pinaagi sa Duerte Legacy Caravan.
Duterte Legacy Caravan nga gihimo atol sa Labor Day didto sa Dumanjug, Siquijor, Siquijor. (RAC/PIA7 Siquijor)
Pinaagi sa Duterte Legacy Caravan nga gidala ngadto sa nagkalain-laing kalungsoran ug kabaryohan ning lalawigan sa Siquijor, nasinati sa katawhan sa pagsaulog sa Labor Day ang kalihukan.
Kapin sa unom ka gatus ka mga lumupyo sa unom ka lungsod ang nakabenepisyo sa gihimong Duterte Legacy Caravan didto sa Barangay Dumanhog, Siquijor, nakadawat sila og mga kaayohan gikan sa Police Provincial Office, DILG, Provincial Health Office, Rural Health Unit, Department of Labor and Employment, DENR, Office of the Provincial Agriculturist ug sa Department of Agriculture , Department of Public Works and Hghways (DPWH), Department of Social Welfare and Develpment (DSWD), Bureau of Fire Protection, Technical Education and Skills Development Authority (TESDA), Philippine Army, Philippine Coast Guard (PCG), Philippine Informatin Agency (PIA), Triskelion Law Enforcers Group (TriLEG), Philippine Drug Enforcement AGency (PDEA), ug uban pang ahensiya.
Kapin sa saysentos ka mga lumupyo gikan sa unom ka lungsod ang nakabenepisyo sa gihimong Duterte Legacy Caravan didto sa Brgy. Dumanhog, Siquijor. (RAC/PIA7 Siquijor)
Lakip sa caravan ang libreng surgical examination, glucose and blood pressure monitoring or testing, COVID-19 booster vaccination, libreng tuli, alot, ug masahe, libreng italanom nga mga prutas ug utanon, food packs, ug snacks.
May gipanghatag usab nga residential ug agricultural free patent, ingon man free subdivision permit application, ug gihimong profiling of skills training needs, gawas sa daghan pang mga serbisyo ug impormasyon gikan sa mga participating agencies.
Kining tanan gihimo uban sa panghinaut nga padayong suportahan ang mga nasugdang programa aron mahatagan ug katumanan ang dugay nang gimithi nga luwas, haruhay ug komportable nga kinabuhi alang sa tanan. (RAC/PIA7 Siquijor)
Mga pipila ka mga ahensya sa gobyerno nga misalmot usab sa gihimong Duterte Legacy Caravan sa Siquijor Police Provincial Office. (RAC/PIA7 Siquijor)
