TAGBILARAN CITY, Bohol, July 6 (PIA) -- Gideklarar ni Presidente Ferdinand “Bongbong” Marcos Jr. nga regular holiday ang Hulyo 9 sa tibuok nasod.

Kini alang sa pagtimaan sa Eid’l Adha o Feast of Sacrifice.

Base sa Proclamation Number 2, hatagan og kahigayonan ang mga Muslim nga isaulog ang Eid’l Adha basta seguradohon lamang nga mosunod sa health protocols nga gitakda batok sa COVID-19.

Gilagdaan ang proklamasyon adlaw nga Miyerkules, Hulyo 6, 2022.

Ang Eid’l Adha ang usa  sa duha ka mahinongdanong pista sa Islam.

Sa Eid’l Adha, ang mga Muslim mag-ihaw og mga karnero, kanding ug camel isip pagsaulog sa kaandam ni Propeta Ibrahim nga isakripisyo ang iyang anak sa mando ni Allah. (ECB/PIA7 Bohol)