TAGBILARAN CITY, Bohol, July 8 (PIA) -- Ilhon na isip Office of the Press Secretary (OPS) ang Presidential Communications Operations Office (PCOO).

Kini ang nakalatid sa Executive Order No. 2 nga gipakanaog sa Malakanyang, nga nagmando sa renaming ug reorganization sa PCOO ug mga attached agencies niini, paingon sa OPS.

Ang OPS pamunoan sa Office of the Secretary (OSec), magbaton kini og assistant secretary, ug support staff nga dili molapas sa 20 personnel, nga kinahanglang moagi sa pag-aproba sa Executive Secretary, ug agi og pagsunod sa regulasyon sa Civil Service Commission. 

Nahisulod usab sa EO ang pagbutang og undersecretaries alang sa Operations, Plans ug Policies;  Administration, Finance ug Procurement; Legal Affairs; Media Accreditation and Relations; Digital Media Services; Print Media Services ug related GOCCs ug attached agencies; Broadcast Media Services ug related GOCCs ug attached agencies; ug Special Concerns.

Tanang division ug units ubos sa PCOO e-reorganisa agi sa pagsunod sa ‘areas of concern’ sa mga Usec sa OPS, samtang wagtangon na ang Office of the Presidential Spokesperson.

Ang tanang permanente niining kawani, equipment, ug function ibutang na sa OPS.

Ang OPS na usab ang magdumala sa APO Production Unit; Bureau of Broadcast Services; Intercontinental Broadcasting Corporation; National Printing Office; News and Information Bureau; ug People’s Television Network.

Samtang ang Radio Television Malacañang (RTVM) pagadumalaon na sa Presidential Management Staff (PMS).

Ang Philippine Information Agency (PIA) usab direktang pagadumalaon sa Office of the President.

I-absorb sa PIA ang Bureau of Communications Services; Freedom of Information- Program Management Office ug Good Governance Office.

Gilagdaan ni Presidente Ferdinand Marcos Jr., ang kamanduan niadtong Hunyo 30, 2022. (ECB/PIA7 Bohol)