TAGBILARAN CITY, Bohol, July 26 (PIA) -- Miingon si Presidente Ferdinand “Bongbong” Marcos Jr. sa iyang labing unang State of the Nation Address (SONA) niadtong Lunes nga magpagawas siya og kamanduan nga magpahamtang og usa ka tuig nga moratorium sa pagbayad og amortisasyon sa yuta ug mga bayad sa interes aron matabangan ang mga benepisyaryo sa reporma sa yuta.
“Ang agrarian reform program ay dapat magpatuloy. Ang repormang agraryo ay hindi lamang tungkol sa pagkuha, kundi pati na rin sa mga serbisyong pangsuporta at pamamahagi,” matud pa ni Marcos sa iyang SONA.
Nahisgotan sa Pangulo ang paghiapil sa maong probisyon ubos sa Republic Act No. 11469 nga mas giila isip Bayanihan to Heal as One Act nga gihimong balaod aron matabangan ang gobyerno nga tubagon ang sitwasyon sa COVID-19 ug ang mga epekto niini sa nagkalain-laing sektor sa nasod.
“Ang isang moratorium ay magbibigay sa mga magsasaka ng kakayahan na i-channel ang kanilang mga mapagkukunan sa pagpapaunlad ng kanilang mga sakahan, pag-maximize ng kanilang kapasidad na gumawa, at isulong ang paglago ng ating ekonomiya,” matud niya.
Gihangyo usab ni Marcos sa Kongreso nga magpalabang og balaod nga mag-amyenda sa Section 26 sa Republic Act 6657 o ang Comprehensive Agrarian Reform Law of 1998.
Matud pa sa Pangulo nga kining balaod magpalibre sa mga benepisyaryo sa repormang agraryo gikan sa mga gipas-ang utang.
Samtang miingon usab si Marcos nga ang mga benepisyaryo sa repormang agraryo nga wala pa nakadawat sa ilang hinatag nga yuta ubos sa Comprehensive Agrarian Reform Program, makakuha niini nga walay bisan unsang obligasyon nga magbayad og bisan unsang amortization.
Matud pa sa Pangulo, ang condonation sa gipatuman nga agrarian reform loan maglangkob sa P58.125 bilyon.
Giingong mapahimoslan kini sa mga 654,000 ka benepisyaryo sa agrarian reform nga gilangkoban sa kinatibuk-ang 1.18 milyong ektarya sa mga gihatag nga mga yuta.
Matud pa usab ni Marcos nga ubos sa Executive Order No. 75, Series of 2019, ang tanang ahensya sa gobyerno, kawani, departamento, ug instrumentalidad kinahanglang i-turn-over ang mga yutang agrikultural sa mga kwalipikadong benepisyaryo sa repormang agraryo.
Sa pagkakaron, adunay kinatibuk-ang 52,000 ka ektarya nga wala nagamit sa mga yutang pang-agrikultura sa gobyerno nga karon ipangapud-apod sa mga walay yutang beterano sa giyera, mga asawang walay yutang nabuhi ug mga ilo sa mga beterano sa giyera, ug mga walay yutang retirado sa Armed Forces of the Philippines (AFP) ug Philippine National Police (PNP).
Ang mga nilampos sa kurso sa agrikultura nga walay yuta makapahimos usab sa mga yutang pang-agrikultura nga makuha pinaagi sa EO No. 75, Series of 2019.
Kining direktiba ni Marcos agi og pagsunod sa Section 40 sa Comprehensive Agrarian Reform Law. (ECB/PIA7-Bohol)
