LUNGSOD QUEZON, (PIA) -- Magandang balita! Magkakaroon ng caravan ang Philippine Statistics Authority sa bayan ng Pateros.

Ayon sa anunsyo, ang ‘One Day PSA Caravan’ ay gaganapin sa July 27, mula 9:00 ng umaga hanggang 3:00 ng hapon sa lobby ng munisipyo.

Ang naturang caravan ay para sa birth, marriage, death certificates, at maging certificate of no marriage (CENOMAR).

Samantala, idinagdag ng pamahalaang bayan na ang birth, marriage at death certificates ay nagkakahalaga ng Php195.00 at ang CENOMAR naman ay Php250.00. (Isang Pateros/PIA-NCR)