IPIL, Zamboanga Sibugay, Apr. 15, (PIA) - Ang Department of Agriculture (DA) Zamboanga Sibugay nagpahigayon sa ilang mass turn-over of agricultural intervention alang sa mga giila nga farmer-beneficiaries sa probinsya.
 
Gipang apod-apod sa departamento ang mga nagkalain-laing ekipo ug makinarya sama sa Corn Sheller, Casava Chipper, Casava Grater w/ Presser, Compact Corn Mill, Multi Cultivator w/ presser, Hauling Trucks, Recirculating Dryers, Single Pass Rice Mill ug uban pa, nga gipanghatag ngadto sa Sibugay Farmer Cooperatives ug LGUs. Kini ang nikabat kapin sa Php73 milyones. Ang DA nag turnover usab ug mga seeds allocation nga miabot sa 34,900 ka bags ug Php26 millyones isip agricultural subsidy.

Si Governor Ann K. Hofer ang mapasalamaton nga midawat niini ug miingon nga ang seeds allocation itugyan usab sa probinsya ngadto sa Philippine Center for Postharvest Development and Mechanization (PhilMech).

Sa mensahe ni Gov. Hofer, iyang giingon nga isip usa ka agricultural province, misaad siya sa iyang 100% suporta sa agricultural sector tungod kay kini usa ka mahinungdanon nga sektor sa komunidad. (EDT/GCC/JPA/ JBL, GIP-PIA/ Zamboanga Sibugay)