SIQUIJOR, Siquijor, August 12 (PIA) -- Alang sa mga Siquijodnons nga kinahanglang mopaubos sa dialysis. dili na sila kinahanglan motabok pa sa laing probinsiya, tungod kay ang kagamhanang local pinaagi sa Siquijor Provincial Hospital moaccomodate na ug mga pasyente nga nagkinahangan  sa maong medical procedure.

Sumala pa ni Provincial Health Officer Dr. George Walthrode Opay, kadtong mga pasyente nga nagkinahanglan,  makapahimulos na sa Hemodialysis unit sa isla at zero cost kon walay bayad nga anaa nahimutang sa may bag-ong ospital sa Caipilan, Siquijor ug giablehan sa maiging pipila pa lamang ka bulan.

Dugang pa ni Opay, padayon nga nakig-alayon ug nakigtambayayong ang lalawigan sa tanang stakehoders aron mapalambo ug mapanindot pa ang sistema sa pag-atiman sa panglawas alang sa mga katawhan sa isla.

Ngani, matud pa ni Opay, si Gov. Jake Vincent Villa naningkamot nga makakuha ug dugang pang dialysis chairs  human niya makit-an nga daghan pang mga Siquijodnons ang nagkinahanglan niini.

Kini gidasonan usab sa paningkamot ni Cong. Zaldy Villa  aron pagsiguro nga ang serbisyo alang sa maayong panglawas mahatag nga libre sa mga Siquijodnon.

Sumala pa, kadtong buot mopaenroll sa  maong hemodialysis, mao kini ang mga kasagarang pangitaon: medical certificate, labing ba-o nga laboratory results sama sa CBC, Creatinine, BUN, CXray, hepatitis profile, vaccination records (sama sa  hepa vaccine, COVID 19, pneumococcal ug flu vaccine), lista sa prescribed medications, tulo sa labing bag-o nga Hemodialysis treatment sheets, Referral letter from his/her nephrologist, labing bag-o nga Members Data Record sa PhilHealth, /PDD, PWD/Senior Citizen ID, Certificate of Indigency, ug Voters' ID. 

Samtang, ang Integrated Provincial Health Office (IPHO) nagsaulog sa National Hospital Week sugod August 6 to 12, ubos sa tema “Ospital Pagbangon mula sa pandemya, kayang kaya basta’t sama-sama” nga gisugdan pinaagi sa Fun Walk didto sa Siquijor boulevard ngadto na sa Siquijor Provincial Hospital Complex.

Pipila usab sa mga highlights sa celebrasyon mao ang pagsaulog sa Santos nga Misa, distribution of hygiene kits ug parlor games, Poster Making Contest, ug pagatik-opon sa motorcade libot sa lungsod sa Siquijor sa Agosto 12. (RAC/PIA7 Siquijor)