LAZI, Siquijor, August 31 (PIA) -- Nakaambit ang 105 ka mga Siquijodnon: 42 niini mga lalaki, 63 mga babaye, ug upat ang nadawat dayon o “hired on the spot,” sa gipahigayon nga World Café of Opportunities (WCO), didto sa Lazi Covered Court, niadtong Agosto 25 atol sa pagsaulog sa National Tech-Voc Day, diin gitipok ang mga industry partners ug mga kompanya alang sa maong kalihokan.
Kini sumala sa tala-an nga gihatag sa buhatan sa Technical Education and Skills Development Authority (TESDA) ning lalawigan.
Gipahigayon nga Cookery NC II Skills demo isip usa sa mga aktibidades atol sa pagselebrar sa Tech-Voc Day didto sa Lazi, Siquijor. (RAC/PIA7-Siquijor)
Ang kagamhanan, ubos sa panguna sa TESDA kauban sa nagkalainlaing ahensya sa gobyerno mihatag na usab ug higayon ug daghang opportunidad sa paglambo niadtong mga graduado sa technical and vocational education and training or (TVET), sa mga nawad-an og trabaho, returning Overseas Filipino Workers ug ilang mga dependents, niadtong buot mo apply ug scholarships, skills upgrading, competency assessment, entrepreneurship training, financial assistance programs, consultancy services, ingon man niadtong nikuha ug mga pre-employment documentary requirements, ug uban pang mga serbisyo sa gobyerno.
Pipila sa mga gradwado sa Lazi Technical Institute sa ilang Wine Mixing Demo atol sa National Tech-Voc Day nga gipahigayon sa Lazi, Siquijor. (RAC/PIA7 Siquijor)
Sumala pa ni Fletcher Gumahad, Provincial Director sa TESDA Siquijor, ang World Café of Opportunities, mao ang pagpahiluna sa opportunidad sa pagpanarbaho sa mga katawhan ilabi na sa mga tech-voc graduates ug mga alumni nga buot mangempleyo o magpasueldo ug alang niadtong gusto sa kinaugalingong kita kon“self-employment.”
Dugang pa niya nga aduna na’y na-hire ora mismo nga graduates nga magsugod dayon sa ilang trabaho, samtang ang ubang employer padayon pang nag proseso sa uban pang nang-apply para sa mga trabaho sa sulod ug gawas sa nasud.
Usa sa mga recruitment agencies nga mihatag ug oportunidad niadtong nangita ug trabaho sa gipahigayon nga World Cafe of Opportunities sa TESDA Siquijor. (RAC/PIA7-Siquijor)
“We also distributed, starter tool kits to our graduates (aduna usab kami gipanghatag nga starter tool kits niadtong among mga graduado nga maoy makahatag nila ug pagpanarbaho, kanang gitawag ug self-employment,” sumala pa niya.
Ang pagsaulog sa Tech-Voc Day pinasikad sa Republic Act 10970 nga gilagdaan ni kanhi Presidente Rodrigo Duterte kinsa mideklarar sa Agosto 25 sa matag tuig isip National Technical-Vocational (Tech-Voc) Day sa paningkamot nga makab-ot ekonomikanhong kaayohan sa rehiyon. (RAC/PIA7 Siquijor)
Pagpanghatag ug starter tool kits alang niadtong nagkinaugalingong nangita ug kapanginabuhian (self-employed). (RAC/PIA7 Siquijor)
