TAGBILARAN CITY, Bohol, Oct. 18 (PIA) -- Ang sektor sa turismo sa Pilipinas nanginahanglan og bag-o ug innovative nga mga ideya aron ibalik ang kadasig sa lokal ug langyaw nga mga turista, si Presidente Ferdinand “Bongbong” R. Marcos miingon niadtong Lunes, samtang iyang gisubli ang pasalig sa iyang administrasyon sa pagpabuhi sa industriya.
Namulong atubangan sa Philippine Tourism Industry Convergence Reception sa SMX Convention Center sa syudad sa Pasay, si Marcos miingon nga ang mga bag-ong ideya ug kabag-ohan makapabalik sa pagsalig sa katawhan aron sila madasig sa pagsuhid sa labing maayong mga destinasyon sa nasud.
“Allow me to repeat that under this administration, the government will remain committed to ensuring that the inputs you have acquired from your listening tours will be optimized for the benefit of the sector
(Tugoti ako sa pag-usab nga ubos niini nga administrasyon, ang gobyerno magpabilin nga komitado sa pagsiguro nga ang mga input nga imong nakuha gikan sa imong mga tour sa pagpaminaw ma-optimize alang sa kaayohan sa sektor),” matud pa sa Pangulo.
Ang Department of Tourism (DOT) anaa sa saktong direksyon ilabina human si DOT Kalihim Christina Frasco nagdala og gugma ug kusog sa sektor, ang Presidente miingon.
Ang Presidente nagpahayag ug pagkamalaumon nga ang industriya makasinati og malampuson nga pagbangon human sa pandemya tungod sa pinakadakong asset sa nasud—ang katawhan niini.
Gitumbok pa sa Pangulo nga ang pinakadako nga kabtangan nga naa kanato sa Pilipinas mao ang 107 ka milyon nga mga Pilipino nga mga batan-on, nabansay pag-ayo nga mga trabahante, kinsa buotan nga mga tawo, kinsa maabiabihon nga katawhan ug ingon ka maloloy-on nga mga tawo sama sa imong makita bisan asa sa kalibutan.
Gidugang pa niini nga kadtong mga bentaha mao ang atong i-presentar pag-usab ug matud pa ipaila pag-usab sa ubang bahin sa kalibutan.
Apan adunay mga butang nga kinahanglan buhaton, sumala pa sa Pangulo.
Matod niya, kinahanglan ipalambo ang mga resort areas, ang mga naila na sa mga turista ingon man ang mga bag-o.
Gitumbok sa Pangulo ang mga promosyon sa turismo kinahanglan nga aktibo nga buhaton ug ang mga imprastraktura sa nasud kinahanglan nga pauswagon aron mahimo ang mga destinasyon sa turista nga mas dali nga ma-akses.
Gipaabot ni Marcos nga ang Philippine Tourism Convergence Reception maghatag og hingpit nga kahigayonan alang sa nagkalain-laing stakeholders nga makig-estorya sa usag-usa ug sa pagpalapad sa ilang mga plano alang sa umaabot. (ECB/PIA7 Bohol)
