LUNGSOD PASIG, (PIA) -- Magandang balita! Ilang linggo bago sumapit ang Pasko, nagsimula na ang Pamahalaang Lungsod ng Pasig ng pamamahagi ng Pamaskong Handog sa mga bahay-bahay sa lungsod.

Ayon kay Pasig City Mayor Vico Sotto, ang Pamaskong Handog ng lungsod ay layuning makapag-bigay saya sa bawag pamilyang Pasigueño tuwing Kapaskuhan.

Bukod dito, ibinahagi rin ni Mayor Vico na nakatutulong din ang house-to-house distribution bilang pilot o ‘test case’ sa mga hakbang ng pamahalaang lungsod para sa data-driven governance.

“Patotoo sa pagbabago ng kultura, na possible ang paggogobyerno kung saan pantay-pantay ang tingin sa lahat,” dagdag pa ng punong lungsod.

Pinasalamatan rin ni Sotto ang mga teams at mga barangay na tumulong sa pagsasakatapuran ng Pamaskong Handog. (Pasig City/PIA-NCR)