LUNGSOD NG COTABATO (PIA) -- Aprubado na ng Bangsamoro Transition Authority ng Bangsamoro Autonomous Region in Muslim Mindanao (BTA-BARMM) ang kabuuang P85.3 bilyong budget ng BARMM para sa taong 2023.

Ang nasabing budget ay mas mataas kumpara sa P79.8 bilyong budget sa taong 2022.

Inaprubahan ng mga miyembro ng parliament ang Bangsamoro Expenditure Program para sa taong 2023 sa ikatlo at huling pagbasa na may 44 na affirmative votes, zero negative votes, at zero abstentions.

Ang pamahalaan ng BARMM ay naglaan ng P70.1 bilyon para sa lahat ng ministry, ahensya, at tanggapan, habang P15.2 bilyon naman ang inilaan para sa Special Purpose Funds.

Kabilang sa sampung mga ministry at tanggapan na may pinakamalaking bahagi ng alokasyon ng budget ay ang Ministry of Basic, Higher, and Technical Education, Ministry of Public Works, Office of the Chief Minister, Ministry of Health, Bangsamoro Transition Authority, Ministry of Social Services, Ministry of Interior and Local Government, Ministry of Agriculture, Fisheries, and Agrarian Reform, Ministry of Environment, Natural Resources, and Energy, at Ministry of Transportation and Communications. (With reports from Bangsamoro Transition Authority)