SIQUIJOR, Siquijor, Dec 9 (PIA) -- Malampusong gipahigayon sa Siquijor Zero Waste Task Force ang ika 4th Quarter Provincial Solid Waste Management Council Meeting niadtong Disyembre 7 nga gipahigayon sa Sangguniang Bayan Session Hall sulod sa Siquijor Provincial Capitol.

Sa pagpangulo ni Siquijor Zero Waste Management Head Cle Bern Paglinawan kinsa maoy kasamtangang Provincial Tourism and Environment Officer ug ni Security Officer IV Environment Management Officer-Designate James Enricson Belciña, nahimong produktibo ang maong paghigayon diin napresenta ug nahisgutan ang nisunod nga mga agenda: Ongoing Drafting of the Provincial 10 Years Solid Waste Management Plan; Reconstitution of the Provincial Zero Waste Management Board;  Reconstitution of the Zero Waste Task Force to include the PNP as per the new EO; Proposed Amendment of the Single-Use Plastic Ordinance; and Search for the Zero Waste Baranggay and School.

Ang maong paghigayon gitambongan sa mga representante sa mga nagkaraiyang ahensya sa gobyerno nga maoy myembro sa Zero Waste Task Force uban ang non-government organization nga Mother Earth Foundation.

Ang representante usab sa buhatan sa kapulisan nitambayayong sa maong paghigayon isip pagsuporta sa giimplementar nga Amended Single-Use Plastic Regulations and Prohibition Ordinance sa probinsya. (RAC/PIA7 Siquijor, uban sa taho ni John Carl Ladion, PLGU)