LUNGSOD PASIG, (PIA) -- Nagbigay paalala ang Department of Health (DOH) sa mga mananampalataya at publiko upang maiwasan ang sakit dulot ng COVID-19 sa pagdiriwang Kapistahan ng Itim na Nazareno. 

Payo ng DOH sa mga dadalo sa iba't ibang aktibidad hinggil sa pagdririwang na sundin ang mga sumusunod na safety tips:

• Kung maaari, manood na lamang ng virtual Mass ng Quiapo Church sa https://www.facebook.com/quiapochurch
• Magsuot ng mask lalo na sa matataong lugar
• Siguruhing may bakuna at booster para updated ang proteksyon ng buong pamilya
• Maghugas ng kamay
• Iwasang makipagsiksikan at siguruhing maganda ang bentilasyon

Matapos dumalo, payo ng DOH na obserbahan ang kalusugan at mag-isolate kung maramdaman ang alin man sa mga sumusunod na sintomas:

• Lagnat
• Ubo
• Panghihina
• Pagkawala ng panlasa at pang-amoy
• Pananakit ng katawan
• Pananakit ng ulo
• Pananakit ng lalamunan

Paalala ng ahensya na kasabay ng ating pananampalataya ay ang pagmalalasakit sa ating kapwa -- pagmamalasakit sa kanilang kalusugan at kaligtasan laban sa COVID-19. (DOH/PIA-NCR)

#Nazareno2023

#ExplainExplainExplain