Materials Recovery Facility (MRF) nga gihimo sa usa sa tunghaan mga tunghaan ning probinsya sa Siquijor. (RAC/PIA7 Siquijor)
SIQUIJOR, Siquijor, Jan. 9 (PIA) -- Wala makapakgang ang ga alom-om nga tempo sa mga gitahasang indibidwal uban ang mga opisyales sa gobyerno sa pagsarap sa Best Zero Waste Barangay ug Public Elementary School.
Sanglit, maabtikon ug makugihon nilang gi suroy ang kinatibuk-an sa isla sa Siquijor.
Sila mao ang naglangkob sa Siquijor Provincial Solid Waste Management Council (PSWMC) isip team of evaluators nga naggikan sa nagkalain laing buhatan dinhi sa Siquijor, sama sa Provincial Tourism Office, Department of the Interior and Local Government (DILG), Philippine Information Agency (PIA), Department of Environment and Natural Resources (DENR), Department of Education (DepEd), Mother Earth Foundation (MEF) ug Siquijor Provincial Zero Waste Task Force (PZWTF).
Mga sakop sa Siquijor Provincial Solid Waste Manageent Committee (PSWMC) sa ilang pagsusi sa mga dokumento nga gisumitir sa mga barangay-nominees nga naglangkob sa mga palisiya, ordinansa ug uban pang mga inisyatibo ug aktibidades nga gipatuman alang sa "Zero Waste Siquijor." (RAC/PIA7 Siquijor)
Gi sugdan ang ilang operasyon kaniadtong Dec. 27-29, 2022 ug gipadayon kaniadtong Jan. 3-4, 2023.
Gi tanyag ang tinuig nga kalihukan aron mahatagan ug hingpit nga pag-ila ang mga tawo luyo sa kalimpyo ug kaanindot sa mga barangay ingon man sa mga tunghaan inig tapos sa tuig diin sumbanan niini ang Republic Act 9003 o ang Ecological Solid Waste Management Act of 2000.
Igo usab sa nasakbit nga aktibidad ang ordinansang pangkalikupan kon "No Single Use Plastic Ordinance ug No Open Burning Policy" nga maoy tinubdan sa kalimpyo ug ka organisado sa Siquijor.
Mamatikdan gayud nga sa ikaduhang tuig sa maong contest, gi lakip na ang Search for the Best Zero Waste Public Elementary School tungod kay matud pa, usa kini sa lakang aron mo tatak sa alimpatakan sa mga estudyante nga ang pag-amping sa palibot dako'g kalambigitan sa tawhay ug limpyo nga pagpuyo sa kalibutan uban sa panghinaut nga mapadayon ang kalimpyo sa Siquijor aron ugma-damlag, kini ma tanyag nga first zero waste island destination sa tibuok Pilipinas. (RAC/PIA7 Siquijor uban sa taho ni John Carl Ladion)
Mga estudyante, maestra ug ginikanan nagkahiusa sa pagpanglimpyo sa palibot sa tunghaan sa Larena Integrated School, Siquijor. (RAC/PIA7 Siquijor)
