TAGBILARAN CITY, Bohol, Jan. 11 (PIA) -- Gilusad sa Commission on Elections (Comelec) ang ilang voter education seminar sa tibuok nasod alang sa 2023 Barangay ug Sangguniang Kabataan (SK) Elections.
Nagsugod kini sa usa ka seminar niadtong Enero 9 ug magpadayon hangtod sa Enero 13.
Gipahigayon ang unang seminar sa 30 ka eskwelahan sa tibuok nasud nga adunay satellite registration nga kauban sa programa.
Niadtong Martes, Enero 10, ang Comelec nagpahigayon og seminar alang sa 3,787 ka senior high school students sa mga lalawigan sa Isabela, Cagayan, Negros Oriental, Tarlac, Capiz, Lanao del Norte, Davao, Zamboanga, ug Bohol.
Ang satellite registration niini sa maong seminar nakakuha og 741 ka regular applicants ug 573 ka SK applicants, alang sa kinatibuk-ang 1,314 registrants, sa ikaduhang adlaw sa education drive.
Gihisgotan sa seminar ang kamahinongdanon sa pagka-botante, ang step-by-step nga proseso sa voter registration, ang kwalipikado ug katungdanan sa mga napili nga opisyal sa Barangay ug SK, ug ang pagbatok sa disinformation sa piniliay, ug uban pa.
Matud pa sa Comelec nga ang pagpaningkamot sa pagpahigayon og voter registration seminar parte sa ilang saad nga maabot bisan ang pinakalayo nga isla nga munisipyo agi og pagsunod sa mandato niini nga ipahibalo ug makahimo og usa ka aktibong botanteng Pilipino. (ECB/PIA7 Bohol)
