TAGBILARAN CITY, Bohol, Feb. 7 (PIA) -- Hangtud sa wala pa matumbok nga panahon, kadtong nagsubay sa Carlos P Garcia North Avenue pagawas sa syudad ug molabay sa Bohol Wisdom School, kinahanglang moliko saka sa bag-ong Capitolyo, dayun kanaug balik sa Wisdom School CPG Avenue sa may eskina Bohol Showcase Center, tungod sa one-way-scheme nga ipatuman didto. 

Kana tungod kay ugkaton aron pamaayohon sa Department of Public Works and Highways (DPWH) ang box culvert nga anaa tungod sa Our Deli Bread, maong maapektohan ang gikan sa eskina sa Deli Bread paingon sa eskina sa Bohol Showcase Center.

Matud ni District Engineer John Paul Gascon, sa pag-ugkat sa emburnal, mag-uban niini ang pagkubkob sa imburnal ug  ang kapahimutangan sa bag-ong ipuli niini, ang pag-ukat  sa aspalto nga gipatong sa semento, ang magpalig-on sa subgrade ug  ang pagpasemento og balik nga kinahanglang moabut og tulo ka adlaw aron makagahi tamanmaagi-an na og usab.

Dala niini, sugod sa Martes, Pebrero 7, 2023, one-way traffic ang ipatuman sa mogawas sa Tagbilaran City paingon sa buwangan.

Ang magsubay sa CPG Avenue North gikan sa Development Bank of the Philippines, mahimong moliko sa Penaflor street  , o kinahanglang moliko sa tuo inig abut sa Our Deli Bread saka sa Lino I Chatto Drive paingon sa Bag-ong Kapitolyo unya mokanaug balik sa CPG sa eskina sa Bohol Showcase Center ug moliko sa tuo paingon sa Buwangan.

Tungod usab niini, gitambagan ang mga motorista nga mopasulod sa Tagbilaran nga gikan sa buwangan sa pagliko na nga daan sa tuo sa may Esteban Estaca Street, dayon liko sa wala sa Penaflor gawas sa DBP.

Ug tungod kay one way ang Lino I Chatto Drive, kadtong moadto sa Kapitolyo gikan sa buwangan ug nagdala ug sakyanan, mas maayo nga adto moagi sa Dao lagbas sa luyo sa Kapitolyo nga parkingan, o mosubay sa CPG North, patuo sa Estaca Street, pawala sa Penaflor Street, dayon sa pag gawas sa CPG, moliko sa wala dayon tuo saka sa Lino Chatto Drive ngadto sa Kapitolyo. (RAHC/PIA7 Bohol)