LUNGSOD PASIG, (PIA) -- Ngayong araw ng mga puso, paalala ng Metropolitan Manila Development Authority (MMDA) na mag ‘Go Zero Waste.’

Itapon sa tamang basurahan ang pinagkainan. Ilabas din ang creativity sa paggawa ng Valentine’s card. Sa halip na bumili ng card, gumawa na lamang gamit ang mga recyclables.

Kung magbibigay ng regalo, gamitin bilang lagayan ang mga paper bags na maaari pang gamitin.

Gayundin, magluto na lamang ng pagkain at bumili ng organic local products bilang regalo.

Kaya sa darating na okasyon, huwag din nating kalimutang ipakita at iparamdam ang pagmamahal sa ating Inang Kalikasan. (MMDA/PIA-NCR)