TAGBILARAN CITY, Bohol, Marso 9 (PIA) -- Sa paglikay sa mga peligro ug katalagman, mahinungdanon nga mahibaw-an kung unsa ang mga paagi aron maluwas kung moabut ang mga peligro.
Gipatuman ang Earthquake Drill sa City East Elementary School (CEES) Marso 9, 2023, sa ingon nga tuyo.
Kapin sa 700 ka mga estudyante ang misalmot sa kalihokan uban sa taga Provincial Disaster Risk Reduction and Management Office (PDRRMO), Tarsier 117, ug Aeromedical Reserve Squadron (ARS) aron matabangan ang mga bata ug matudloan sa paglikay sa peligro.
Sa interview ni City East Elementary School Disaster and Risk Reduction focal person Lorna Remolador, iyang gibutyag ang bentaha sa mga bata nga maogi sa Earthquake Drill.
Sa kalihokan, ang nakat-onan ug nasinati sa mga bata, maggamit kini nila kon adunay mahitabo nga linog.
"Duck, cover, and hold," mao kini ang mga nakat-onan sa mga bata isip usa ka pamaagi aron sila maluwas sa linog. (Anna Kaye Madulara/PIA7 Bohol Student Intern)
Aron malikay sa mas lisud nga kahimtang kon maangol, permi gyud nga panalipdan ang ulo, saysay sa mga emergency responders atul sa Earthquake Drill nga gihimo sa City East Elem School atul sa NSED 2023. (PIA Bohol)
