TAGBILARAN CITY, Bohol, March 24 (PIA) -- Bag-o na ang Provincial Fisheries Officer (PFO) sa Bureau of Fisheries and Aquatic Resources (BFAR) Bohol.
Kini human gidestino si kanhi PFO Candido Samijon isip Agricultral Center Chief II sa Clarin Freshwater Fish Farm dala sa promosyon.
Tungod niini, ang bag-ong PFO mao na si Bruna Abrenica, segun pa ni BFAR 7 Regional Director Allan Poquita, kinsa mingtambong sa pagtugyan sa mga responsibilidad ug pagdaway sa pagdumala sa Provincial Fishery Office- Bohol, niadtong Pebrero 16, 2023.
Si Abrenica usa ka Aquaculturist II ug National Stock Assessment Program Assistant Project leader sa BFAR 7 sa wala pa madestino sa Bohol.
Sa laing bahin, si PFO Candido Samijon, daan na nga eksperto nga aquaculturist sa mga pasilidad sa BFAR dinhi sa Bohol sa wala pa mapasaka sa pwesto alang sa pagka center chief.
Ang pagtugyan, mismo nga gitambongan ni RD Allan Poquita, Assistant Regional Director Ellen Ylanan, ug uban pang mga opisyales ug kawani sa BFAR, didto sa Bohol PFO sa Dao.
Gitugyanan usab si PFO Samijon sa iyang bag-ong ranggo isip Agricultural Center Chief II human sa pagtugyan sa iyang mga katungdanan.
Si PFO Samijon mipuli kang Pedro Milana, kinsa aquaculturist usab ug senior agriculturist nga kanhi gikan sa Ubay Brackish Water Fish Farm sa Son-oc Ubay, nga iya usab sa BFAR. (RAHC/PIA7 Bohol)
\Gikan ni PFO Candido Samijon, gidawat na ni Bruna Abrenica ang katungdanan isip bag-ong PFO sa Bohol samtang mingsaksi ang mga opisyales sa BFAR7, pinangulohan ni Regional Director Allan Poquita. Si Samijon, mao nay hepe sa Clarin Freshwater Fish Farm sugod sa Pebrero 16. (PIA Bohol/Analiza Casquejo, BFAR Bohol)
