Naging panauhing pandangal sa pormal na pagbubukas ng nasabing pagsasanay si Brigadier General Doroteo Jose M. Jalandoni PN (M), ang Assistant Deputy Chief of Staff para sa Reservist and Retiree Affairs.
Sa kanyang mensahe, binigyang-diin ni Jalandoni ang kahalagahan ng pagtutulungan upang matiyak ang pambansang seguridad ng bansa. Hinimok niya ang lahat ng kalahok sa pagsasanay na mag-ambag sa pagbuo ng reserbang puwersa, at binigyan diin nito na ang mga reservist ay isang makabuluhang aspeto ng kabuuang kakayahan ng AFP.
“We are focused on making sure na nadi-develop po ‘yong reserve force natin, Navy-Army, Navy-Airforce, and what we call, the technical administrative service, ‘yong mga lawyer, doctor, nurses, chaplains, kailangan po natin sila, kasi, kapagka may crisis na malakihan, baka kukulangin ang puwersa ng regular force,” pahayag ni Jalandoni.
