Tumaas ang koleksyon ng pamahalaang lungsod ng Batangas ng business taxes ngayong taon kumpara noong nakaraang taon. Ayon sa tala ng City Treasurers Office (CTO) mula sa P313M noong Enero 2021 ay tumaas ito sa P472M ngayong Pebrero 2022. Mas pinalawig ng Integrated Business One Stop Shop (BOSS) ang business registration at renewal na nagresulta sa karagdagang 262 bagong registered business establishments mula Enero hanggang Pebrero 28,2022. May 9601 ang nag renew ng kanilang business registrations mas mataas kumpara sa 8,851 noong nagdaang taon. (Larawan mula sa PIO Batangas City)