DAKBAYAN SA BUTUAN -- Subay sa gipahigayon nga 54th Araw ng Agusan del Norte, selebrasyon usab kini sa ika pito nga Sadow Festival diin adunay gipahigayon nga presentasyon pinaagi sa video sa nagkalain-laing tribu sa Manobo, Mamanwa ug Higaonon sa nagkalain laing lungsod nga nagpakita sa ilang kultura pinaagi sa usa ka sayaw o ritwal, community dancing ug uban pa. 

Gihimo ug gitawag kini nga Kulturang Agusanon, Ipasigarbo ko! 

Matod pa ni Gobernador Dale B. Corvera sa iyang gipaabot nga mensahe, “Mga minahal kung Agusanon niining pagsaulog nato sa 54th Founding Anniversary sa Agusan del Norte gidapit ta ang tanan nga apil sa atong dayan dayan ang kultura nga nahimong gipasikaran kung unsa man ang nahimo tang mga buhat karon ihamtang ning mga taknaa ang mga sayaw ug awit nga himuan sa mga kaigsuonan tang Mamanwa, Manobo ug Higaonon ang tulo ka tribu sa probinsiya nga maoy kagikan nga kaliwat sa daghang mga Agusanon.” 

Dugang pa sa gobernador nga gikan sa ilang mga awit ug sayaw mabasa unta sa mga katawhan ang gipadayag nilang nga mensahe, "ang hunahuna, baroganan ug mga hagit ug gikan niining tanan mahimo untang uban kita kanila sa mga pangadoy ug hiniusang paglihok pagkab-ot sa paninguha isip usa ka katilingban.” 

Tungod sa pandemya karon adunay gipaabot ang mga tagsa tagsa ka mga tribu nga mga mensahe. Matod pa sa usa ka lider sa mga Higaonon, “Bulawanong hiyas sa tribong Higaonon kinaiya nga angay huptan 

sa matag isa bisan unsa pa ang atong kagikan kultura ug tradisyon sanglit ang pagpasalamat usa ka matang sa pagpadayag sa l

unsay natong pagkatawo.

Sa bisan unsang okasyon di makalimtan sa mga kaigsoonan natong Higaonon ang pagpasalamat sa paghalad og sayaw agi’g pagpasalamat ngadto sa Ginoo."

Ug matod pa usab sa mensahe ni Bae Nene Caples Rebollo, usa ka Manobo, nga pabiling mapasigarbohon nga ipaabot didto sa presentasyon nga tinuod pa nga buhi ang kultura sa mga tribong komunidad sa puting bato. 

“Ang amo nga panggamhanan, awhag namo nga kini among kultura nga dili kini mawala tungod kay sinunod kini namong kultura hangtod sa mga sumosunod sa among mamanwa mao gyod ni among mabuhat tradisyon nga kini dili mawala ang pagka mamanwa sa tribo diring dapita,” matud pa usab sa tribong Mamanwa sa ilang mensahe.

Nahimong masadya pa ang kalihokan tungod sa daghan pang mga aktibidadis. (Jessica O. Mellejor, LGU Agusan del Norte/PIA Agusan del Norte)