DAKBAYAN SA BUTUAN -- Aprobado na sa Sangguniang Panlalawigan sa Agusan del Norte ang City Ordinance No. 2020-033 sa syudad sa Cabadbaran ang “Ordinance Enacting the Ecological Solid Waste Management System of Cabadbaran City, Agusan del Norte, declaring prohibited Acts, providing penalties thereof, appropriating funds and for Other related purposes.”

Unod sa maong ordinansa ang ipatumang solid waste management system sa syudad sa pagpanginahan ni Sangguniang Panlungsod Member Inez Rosario A. Amante sa tumong nga maprotekatahan ang kinaiyaan sa lungsod ug aron pagdisiplina sa usab sa mga residente sa insaktong paglabog sa ilang mga basura.

Ang Ecological Solid Waste Management nagtumong sa sistematikong pagdumala sa mga kalihokan nga nagtagana alang sa paglain sa gigikanan, gilain nga transportasyon, pagtipig, pagbalhin, pagproseso, pagtambal, ug paglabay sa solidong basura ug tanan nga uban pang kalihokan sa pagdumala sa basura nga dili makadaot sa kalikopan.

Kini gi-aprubahan sa mga paningkamot ni Bokal James T. Reserva, pinaagi sa Sanggunian Resolution No. 268-2021, subay sa R.A. No. 9003, o Ecological Solid Waste Management Act of 2000 ug Article  XI (Ecological Solid Waste Management) of the Environment Code of the Province of Agusan del Norte. (Jessica O. Mellejor, LGU Agusan del Norte/PIA Agusan del Norte)