DAKBAYAN SA TANDAG, Surigao del Sur -- Gipamahayag ni Florephi Botona, Election Officer sa Commission on Elections (COMELEC) Tandag City, nga kung mapailawom na sa Modified General Community Quarantine (MGCQ) o kaha sa General Community Quarantine (GCQ) ang Surigao del Sur, balik na usab sila sa pagpahigayon sa ilang Voter Registration.

Sumala ni Botona, naapektuhan ang ilang serbisyo sa pagpailawom sa Modified Enhanced Community Quarantine (MECQ) kung diin nahunong ang rehistrasyon ug adunay naoktabang aktibidad sama sa Election Registration Board hearing.

Matud niya, gikonsiderar nila karun ang kinahanglang apason nga mga rehistrasyon, ug gihan-ay na nila ang posibleng pagpahigayon sa satellite registration.

Gipanghinaut ni Botona nga maabot pa ang target nga gibana-bana sa 41,000 hangtud 42,000 ka mga botante sa syudad sa 2022 elections. (John Cuadrasal, DXJS-RP Tandag/PIA-Surigao del Sur)