DAKBAYAN SA BUTUAN -- Gilusad ang Province-led Agriculture and Fisheries Extension System [PAFES] project pinaagi sa pagpirmahay tali sa Probinsya sa Agusan del Norte ug sa Department of Agriculutre Caraga ug uban ahensya ug institusyon og usa ka Memorandum of Agreement (MOA) sa Butuan City.
Ang PAFES usa ka kolaborasyon tali sa Local Government Unit (LGU), DA, academe, pribadong sector pagpadangat og extension services particular sa mga mag-uuma ug mangingisda. Nakita ang kamahinungdanon niini ilabina sa gilantaw nga debolusyon sa pagpadangat sa mga serbisyo sugod sa sunod tuig. Ang Agusan del Norte usa sa mga magsilbing pilot area sa pagpadagan sa maong sistema.
Pinaagi sa PAFES gilantaw nga mahimo ang mga research extension activities ug nakita nga magkahulogan kini ug mga proyekto alang sa dugang trabaho o pangita sa mga mag-uuma ug mangingisda.
Pinaagi usab niini nakita nga maseguro ang food sufficiency and security sa probinsya.
Sa iyang mensahe, gipaabot ni Gob. Dale B. Corvera ang pagpasalamat sa mga ahensyang nagpaluyo ning maong inisyatiba nga gihimong pilot ang Agusan del Norte sa proyekto.
“Being the governor of the province moingon ko, i will commit the support not only of the governor but of all the instrumentalities of the provincial government,” sumala pa ni Gob. Corvera isip suporta sa PAFES.
“Dako akong pasalamat nga inyo ming gipili and I hope that we can come up with your expectation,” padayon sa gobernador.
Mi-commit usab og suporta ang mga munisipyo ug syudad sa Cabadbaran sa proyekto, tungod kay sa ilang tan-aw usa sa mahimong tampo niini mao ang pagpaangat sa ekonomikanhong kahimtang sa ilang tagsa-tagsa ka lugar.
Mipadayag usab og suporta si Dr. Anthony M. Penaso, President sa Caraga State University isip representante sa academe.
“We at Caraga State University to heartedly offer our support in terms of expertise, resources and services to make this program a big success and sustainable endeavour,” sumala ni Penaso.
Nitambong usab sa paglunsad si DA Undersecretary for Operations Ariel T. Cayanan (virtual), ang DA-Caraga sa pagpanguna ni Regional Director Abel James Monteagudo nga representahan Nicandro M. Navia Jr. ug OIC RTD for Operations Rebecca Atega., Butuan City Chamber of Commerce Christina President Hemady Arcillas, LM/CP President Franklin Lim, LeMMCAP President Raul Agua.
Saksi usab paglunsad ug MOA signing ang Provincial Agriculturist, Provincial Veterinarian, mga Local Government Units nga girepresentahan sa mga Municipal Mayors and Municipal Agriculturist, State Universities and Colleges, research institutions ug representative of farmers and fisherfolks organizations. (LGU Agusan del Norte/PIA Agusan del Norte)
