DAKBAYAN SA BUTUAN -- Nagpadayon ang “AguSerbisyo” Caravan sa probinsyal nga pangamhanan sa Agusan del Norte sa pagpanguna nila Gob. Dale B. Corvera ug ni Kongw. Angel Amante-Matba, ug niadtong Agosto 31 ang Sitio Matingue, Pob. 1, sa lungsod Santiago na usab ang napaabtan sa mga serbisyo niini.

Ang Sitio Matingue mao ang ika-tulo nga hilit nga sitio napadangatan sa mga “AguSerbisyo” sa Santiago, kabahin sa ubay-ubay pang mga hilit nga komunidad sa tibuok probinsya diin direktang gidala nila ni Gob. Corvera ug Kongw. Amante-Matba ang serbisyo sa gobyerno sa milabay’ng duha ka tuig.

Ang “AguSerbisyo kabahin sa “Amomang Agusanon”, usa sa mga flagship programs sa AGUSAN UP!, ang kampanya sa pagpalambo ni Gob. Corvera kaabag ang buhatan ni Kongw. Amante-Matba. 

Apil sa mga serbisyo sa “AguSerbisyo” nga gipadangat sa Sitio Matingue mao ang mga serbisyo medikal, pagpadangat og mga food packs ug livelihood assistance distributions. 

Ang Sitio Matingue naay mga 1,000 ka lumulupyo sa 210 ka panimalay.

Ang mosunod mao ang detalye sa mga napadangat nga serbisyo sa nagkalain-laing buhatan sa maong okasyon:

Ang buhatan sa Provincial Health Office (PHO) sa pagpanguna ni Dr. Odelio Ferrer na kahimo og 34 Tuli, tulo ka minor surgery, 30 ka dental extraction, nakapadangat og 99 ka toothbrush/toothpaste, 18 ka family planning services, pito ka pap smear, ug 89 ka consultation/medical check-up. Naakaapod-apod usab kini og 100 moskitero.

Ang Provincial Agriculture Office (PAO) ubos ni Alvin Aclan naka apod-apod og 200 ka Road Island Chicks (free range chickens), 3,000 tilapia fingerlings ug assorted vegetable seeds.

Ang buhatan sa Provincial Social Welfare and Development Office (PSWD) ni Silver Joy Tejano naka distribute og 500 packs meals and snacks, medicines and vitamins, duha ka boxes nga eyeglasses ug kaabag ang 210 ka food packs nga naay sulod nga 25 kilos rice, canned goods ug kape, lima ka tubes ice cream alang sa mga kabataan.

Nakapadangat usab ang Environmental and Natural Resources Division (ENRD) ni Adela Antiga og 200 ka semilya sa kahoy, 20 ka mulberry ug 25 assorted fruit trees.

Nagpahigayon usab ang Technical Education and Skills Development Authority (TESDA) Agusan del Norte ug pagbansay diin 224 ka trainees ang migradwar sa maong okasyon. 

Sa pakighinabi, mapasalamaton ang mga residente sa maong lumulupyo sa maong mga serbisyo.

“Dako ko og pasalamat labi nagyud ni Kongw Angel, kay sukad pa sauna gobernador na siya hangtod na congressman,” matod ni Ariston.

“Labi na pod kang Gobernor Dale. Bisan first time pa siya pero ako… kay kana ganing programa niya, kanang “Process, Process, Process ug Plant, Plant, Plant” mao na nga dako mi og pasalamat sa iyaha” padayon ni Ariston.

Apil sa miuban sa maong “AguSerbisyo mao sila si regional director Tarhata Mapandi ug provincial director Rey Cueva sa TESDA, LtCol Aristotle Antonio isip representante ni BGen George L. Banzon, Jr sa 901st, PolMaj John Alexis Basañez sa Special Action Force (SAF), PolLtCol Ritchie Yatar, PMaj Jennifer S. Ometer isip representante ni PCol Martin M Gamba sa ADNPPO, SB Johnny Galbo isip representante ni Mayor Franklin Lim, Pob. 1 Captain Alan Luz, Sitio Matingue Chairman Gregorio S. Tagolaylay, Glenn Ariston isip USFA president.

Kuyog usab ang mga division chiefs sa kapitolyo Provincial Administrator Gerry Joey Laurito, Dr. Odelio Ferrer sa PHO, Alvin Aclan sa PAO, Adela Antiga sa ENRD, Janet Paredes representante ni Silver Joy Tejano sa PSWD, Orencio Corvera, Jr., Agusan Up Consultant, 29th IB and PNP Personnel. (Shena Mae Pabia, hulagway kuha ni Reymar P. Reyes ug Sonny Montilla, LGU Agusan del Norte/PIA Agusan del Norte)