DAKBAYAN SA BUTUAN -- Aprobado na sa Sangguniang Panlalawigan ang Municipal Ordinance No. 155-2020 sa Santiago, ning lalawigan ang “Ordinance Prescribing fees for the request of documents from the Local Civil Registrar’s Office through the Batch Request Query System (BREQS) of the Philippines Statistics Authority (PSA) in partnership with Local Government Unit of the municipality of Santiago.”
Ubos sa maong ordinansa nga gipangamahanan ni Sangguniang Bayan member Sulpicio T. Dedumo na otorisado ang lokal nga panggamhanan sa Santiago pinaagi sa Local Civil Registrar’s Office isip partner agency nga makadawat og hangyo alang sa PSA Civil Registry documents gikan sa mga residente sa maong lungsod ug sa pag-release sa mga gipangayo nga mga dokumento nga dili na kinahanglang mobiyahe pa sa siyudad sa Butuan, sa ingon, kini maka-save sa panahon, paningkamot ug salapi sa bahin sa mga clients.
Ang mga bayronon nga i-imposar sa local government unit (LGU) alang sa Batch Request Query System (BREQS) scheme sa PSA alang sa certified copy sa Birth/Marriage/ Death Certificate ug Certificate No Marriage (CENOMAR) subay sa PSA Memorandum Circular No. 2018-04, “Revenue Rules and Regulations Implementing the Documentary Stamp Tax Rate Adjustment" ubos sa Republic Act No. 10963 o nailhan nga ang Tax Reform for Acceleration and Inclusion (TRAIN) law.
Gi-aprobahan ang maong ordinansa pinaagi sa Sanggunian Resolution No. 457-2021, sa pagpangamahan ni Provincial Board member Francisco Y. Chan, Jr. tsirman sa Committee on Ways and Means kauban ang mga co-authors nga si Hon. Rodulfo A. Pitogo ug Hon. Erwin L. Dano atol sa ika 113th regular sesyon. (Jessica O. Mellejor, LGU-Agusan del Norte/PIA-Agusan del Norte)
