DAKBAYAN SA BUTUAN -- Gipahigayon, ang Organizational Development ug Institutional Capability Building (ODICB) sa mga organisasyon sa mga mag uuma sa gulay sa proyektong “Food Basket” sa Kitcharao, Agusan del Norte.

Ang “Food Basket” usa sa 15 ka core processing projects nga inisyal nga gipahiluna sa proyektong Process! Process! Process! ug kaluhang proyektong Plant! Plant! Plant! sa AGUSAN UP! ang kampanya sa pagpalambo sa administrasyon ni Gov. Dale B. Corvera kaabag ang buhatan ni Cong. Angel Amante-Matba.

Katuyoan sa ODICB nga palig onon ang mga organisasyon pinaagi sa pagmugna og corporate set-up diha sa pagpalambo sa ilang mga ekonomikanhong kalihukan.

Mosuma sa 20 ka partisipante ang nitungha ning kalihukan sa mga nakatakdang mo display og gulay sa “Agus Tabo”, usa ka kalihukan sa kasaulogan sa “Araw ng Agusan del Norte” sugod karong Domingo isip kabahin sa pagpalambo sa proyektong “Food Basket”.

Sa maong higayon, nang apod-apod usab ang mga personahe sa AGUSAN UP! Coordinating Center og libreng assorted vegetable seeds nga nagsilbing tampo sa Department of Agriculture sa maong proyekto. (LGU-Agusan del Norte/PIA-Agusan del Norte)