BORONGAN CITY -- Ha diri maiha nga panahon, matatagamtaman ngan hikikit-an na an haruhalaba nga awto, “Volvo” nga klase, nga pinalit han Borongan City LGU, agud gamiton han “Libre Sakay” nga programa.

Nabaruan kan Mayor Dayan Agda nga ha lima nga pinapalit han LGU, ha Subic, Zambales, duduha pala an nahuhuman.

Mismo hiya an kumadto paghiling kun maunan-o an kahimo han “bus” ngan agud masiguro nga makakabaton ini han panginahanglan han iba nga magigin pasahero, labi na gud an mga tuhuron na nga senior citizens ug an magkurihay na an pakasaka, pakalusad ngan pakalakat ( PWD).

Posibli daw, iglunsad an “Libre Sakay” hiton bulan hit Septemre yana nga tuig, ngan maka “full blast operation“ na ini, labi na, hin ma kompleto an lima nga units.

Bugas ug Camada an ruta han “Libre Sakay” para han mga etudyante ha Senior High ug college, senior citizens, health workers, PWDs ug mga turista.

Kundi an mga bus in diri masulod ha "inner barangays" para magpasakay, p'wera la han mga turista nga malugsong ha eroplano ha Borongan City airport ha Gintagikan; nga asya la an susudlon nga kalsada.

Ngan, para la ini han mga tinood nga Boronganon nga mayda voter’s ID o Voters’ Registration dinhi ha Borongan.
(LDL/AEN/Office of the Mayor)