BUENAVISTA, Agusan del Norte -- Ang symbolic 100 millionth nga mga baby mamahimo nang walo (8) ka tuig kaniadtong July 27, 2014, nga timailhan sa kasaulogan karong tuiga diin naka sentro sa tema nga, “Bigyang Halaga ang Bawat Pinoy sa Pag-unlad Ngayon at Bukas! Sa Ika-Walong Taon: Edukasyon at Kalusugan, Palakasin Bilang Saligan ng Kaunlaran.”

Sigun sa Commission on Population and Development (POPCOM), nagpabiling hagit sa gobyerno ang pagkahimugso sa ika-100 ka milyon nga bata tungod kay maka dugang kini sa kapasidad sa pamilya sa paghatag sa panginahanglan sa edukasyon, pagkaon, ug maayong panglawas sa ilang mga anak. Dugang sa ahensya nga kini nga kalihokan ang matud pa nanawagan sa paghatag ug aktibo nga pagtagad sa edukasyon ug maayong panglawas, nga mamahimong pundasyon sa kalambuan sa pamilya ug komunidad.

Si POPCOM Executive Director Undersecretary Dr. Juan Antonio A. Perez III naghatag og gibug-aton sa pagtinabangay sa pagpangita sa mas maayong kalidad sa kinabuhi alang sa 100 nga simbolikong mga bata. “We aim to provide quality life for these babies, now children, and make every Filipino count in the progress and development of the country as the population increases rapidly every year,” dugang pa ni Usec. Perez.

Base sa Census sa Pilipinas tuig 2021, ang populasyon miabot na sa 111,046,913 nga naay growth rate nga 1.39% ug nagpadayon ug kadaghan sukad pa sa mga tuig 1970s.

Walo ka tuig na ang milabay sukad ang Commission on Population and Development mibisita sa mga ospital, lying-in ug birthing clinics sa tibuuk Pilipinas aron mailhan ang ika-100Mth nga mga baby nga mahimong simbolo sa 100 million nga populasyon sa nasod. (Gabrielle Paolo M. Mordeno, POPCOM Caraga/PIA Agusan del Norte)