BUENAVISTA, Agusan del Norte -- Ang siyudad sa Butuan isip usa sa mga pilot areas para sa implementasyon sa Social Protection Program for Adolescent Mothers and Children (SPPAMC) sa Commission on Population and Development kun POPCOM gipresentar ang 50 ka mga batan-ong inahan gikan sa managlahing barangay isip benepisyaryo sa Conditional Financial Assistance kun CFA kaniadtong Hulyo 28, 2022 sa Doongan Covered Court niining siyudad. 

Ang 50 ka giila nga mga batan-ong inahan nakadawat og P500.00 isip unang bulan na relis sa CFA nga kabahin sa package of services sa reproductive health services, nagpadayon sa eskwela o kurso sa pagpalambo sa kahanas ug lain-lain na sesyon sa Adolescent Health and Development.   

Direkta nga gidumala ang SPPAMC sa City Population Office (CPO) kauban ang City Social Welfare and Development Office (CSWD), City Health Office (CHO) ug mga barangays.

Sumala ni POPCOM Regional Director Alexander A. Makinano, ang CFA usa sa mga serbisyo nga motabang sa mga batan-ong inahan para masolusyonan ang kalisod sa hinungdan nga sayo nga pag mabdos ug malaumon nga sila mamahimong ekonomikanhong produktibo. 

Dugang pa, gipasabot ni RD Makinano nga ang pagtubag sa kahimtang sa mga batan-ong inahan mao ang kontribusyon sa ahensya sa pagpagaan sa insidente sa kakabus. 

Ang POPCOM Caraga ug ang kagamhanan sa dakbayan sa Butuan malaumon nga makakita ug pagbag-o sa mga batan-ong inahan ug ilang mga anak nga molambo sa ilang kasamtangan nga kondisyon ug mamahimong produktibo na mga indibidwal sa umaabot na panahon. (Diam Joy L. Martinez, POPCOM Caraga/PIA Agusan del Norte)