DAKBAYAN SA BUTUAN -- Aron mas maglig-on pa ang kaalam sa panguma, gibansay ang 30 ka mga mag-uuma sa lungsod sa Las Nieves, Agusan del Norte, mahitungod sa Pest and Disease Management on Abaca and Corn Commodities, bag-ohay pa lamang.

Tumong sa maong pagbansay nga matudloan ug madugangan ang kalaam sa mga mag-uuma mahitungod sa mga proseso ug paagi nga mapugngan ang pagkaylap sa mga peste ug sakit nga posibleng maapektohan ang tanum.

Sa maong pagbansay, gipasabot sa mga personahe sa Provincial Agriculture Office (PAO) ngadto sa mga mag-uuma, isip nanguna sa maong kalihokan, daku kaayo ni nga kabahin aron mahimong magmalahutayon ang ilang tanum.

Nagpadayon usab ang buhatan sa PAO sa pag-bansay sa mga mag-uuma sa tibuok probinsya sa Agusan del Norte isip kabahin sa lakang nga gibuhat sa probinsyal nga panggamhanan ubos sa Plant! Plant! Plant! Flagship program sa Agusan Up nga matabangan ang mga mag-uuma diin mao kini ang labing prayoridad sa administrasyon ni Provincial Governor Ma. Angelica Rosedell M. Amante.  (Karen Decamotan, LGU Agusan del Nort/PIA Agusan del Norte)