TACLOBAN CITY - Mapaso nga ginlamano ni Mayor Alfred Romualdez an siyam (9) nga mga benepisaryo han housing units tikang ha Barangay 66 han syudad.

Dida han iya pakipaghimangraw ha ira han Nobyembre 25, gin usa usa niya an kadelikaduhan han pagukoy ha danger zones, pati na gihapon an importansya han pagukoy ha talwas nga komunidad.

Dako kaupay an pasalamat han nasabi nga mga benepisyaryo nga nagkamay-ada na hira hin talwas nga mauukyan.

Komo pagsuporta, nakit-an an han pira nga anay mga taga-Anibong nga yana nag-uukoy na ha ira mga pabahay ha Norte nga dapit han Tacloban an bumulig ha mga taga-City Engineering Office han demolition activity didto han ira anay komunidad.

Gin-aghat naman han City Government an mga benepisyaryo nga nakakarawat na han mga susi nga bumalhin na dayon ngadto han ira bag-o nga mga panimalay. (TCIO)