DAKBAYAN SA BUTUAN -- Nakadawat ang 50 ka mga batang inahan sa dakbayan sa Butuan og cash ug food packs ilawom sa Provision of Conditional Financial Assistance for Adolescent Health and Development-Social Protection Program for Adolescent Mothers and their Children sa Barangay Doongan Covered Court, miaging semana. 

Sa mensahe nga gipaabot ni Konsehal Cherry Mae Busa, Committee Chair sa Family, Women, and Children's Welfare nga dili mo sugot ang Lokal nga Panggamhanan sa Butuan lakip na ang uban pang ahensya sa gobyerno nga pasagdahan na lamang ang mga young parents lakip na ang mga bata nga nahimugso sa kalibutan. Tungod niini dunay mga interbensyon nga nabuhat para suportahan ug dili mapasagdan ang mga kabataan labi natong dunay sayo nga responsibilidad.

Mapasalamaton si Nics, dili niya tinoud nga pangalan, tungod wala siya nagdahom nga dunay programa para kanila. Plano niya sa kwarta nga nadawat nga ipalit og nag-unang panginahanglanon sa bata. Si Nics usa ka grade 10 student ug naningkamot para sab sa iyang anak.

Adunay kwalipikasyon ang programa ug kinahanglan nahilakip sa Indigent Family, (verified sa DSWD), buros o dunay anak, 18 years old paubos, ug mo comply sa Personal Development Plan kun PDP.

Nanguna sa aktibidad ang Commission on Population and Development-Caraga pinaagi kang Regional Director Alexander Makinano kauban ang presensya sa City Population Office. (Butuan City PIO)