AGUSAN DEL SUR -- Gipangunahan ni Gov. Santiago Cane Jr. niining probinsya ang pag turn-over sa mga unit nga motorgrader, backhoe loader, ug excavator ngadto sa opisina sa Provincial Engineering Office (PEO) nga gipangulohan ni Engr. Linda M. Buquir.

Gisugdan ang seremonyas sa pag turn-over sa usa ka blessing sa mga ekwipo ug gisundan sa hiniusang panalangin nga gihatag ni Rev. Fr. Artemio Jusayan ngadto sa mga operators, kauban sa mga empleyado sa PEO Equipment Pool nga giulohan ni Engr. Armand Tereso, ug mga Heads of Offices sa Provincial Government sa Agusan del Sur (PGAS).

Ang pundo nga gipamalit sa mga kahimanan naga gikan sa General Appropriations Act (GAA) Contingent Fund sa tuig 2021 nga nagkantidad ug Baynte Siete Milyones Kwatro Gatos Kalibo Kapesos (P27,400,000.00). 

Kini nga proyekto gipangusgan sa PGAS sanglit kini nga mga ekwipo gamit man sa diha-diha nga mga pagresponde sa mga katalagman ug kalamidad.

Panghinaot sa gobernador nga ampingan sa mga operator ang maong mga kahimanan aron kini magmalungtaron ug mahimong mapuslanon sa taas nga panahon. (PPIO-Agusan del Sur/PIA-Agusan del Sur)