MANILA -- Nunot sa “Quick Wins” kon dali nga kadaugan nga gi-rekomendar sa Private Sector Advisory Council (PSAC) Tourism Council Group, si Presidente Ferdinand Marcos Jr. mitando pagpatuman sa Value-Added Tas Refund Program para sa mga turistang langyaw sa tuig 2024, sa tinguha nga mosulbong ang pagpangabot sa mga turista dinhi sa nasud.
Lain pang mga quick wins ecommendation gi-aprobahan sa president mao ang roll-out sa e-visa karong tuiga 2023, nag-una niini ang China ug India; ingon man ang paglibkas na sa One Health Pass (OHP), kon requirement form alang sa health, immigration, ug customs.
Nalakip sab sa mga quick wins ang pag-undang sa daan na nga mga advisories ug pag-anunsiyo gamit ang trumpa kon loud speakers sa mga airports, hasta na ang otomatik pagsukip sa travel tax sa tanang mga airline tickets.
Sumala pa sa pipila ka mga Palace officials, gikatakda nga mopagawas og executive order ang presidente alang sa pagpatuman ning maong mga tax refund program, nga gipatuman sa ubang nasud.
Kining giingon nga mga Quick Wins proposals, nga gi-presentar sa PSAC ngadto sa punong ehekutibo atol sa tigom sa Malacanang pagka Huwebes, Enero 26, nagtumong sa padayon pang pagsulbong sa tourism industry sa nasud, lakip na ang pagpa-uswag sa mga airport infrastructures ug operations, pagdumala sa national brand ug imahen, pagduso sa tourism investments, ug uban pa.
Ang mga PSAC officials mitahu ngadto sa pangulo nga gilihok na usab ang mobile app nga gitawag og e-Travel, nga maghiusa sa tanang mga kasayuran sa immigration, customs, health, ug quarantine, diin gilantaw nga mahimo nang magamit ang maong app karong bulana o sa Pebrero.
Database sa maong app naglakip sa tourist destinations, transport and hotel information, ingon man traffic condition, ug ang mga turista mahimong anhi na lang dinhi mosuwat sa dili pa mosakay og eroplano, ug bisan nakasakay na, basta aduna lay wifi connection.
Ang presidente mihatag gibug-aton sa digitalization, kay ning paagiha mahatagan og kasayon ang mga turista pag-fill-up sa forms samtang nag-biyahe ug, sa samang higayon, maghatag og katakus sa mga tinugyanan sa seguridad sa mga borders kon utlanan sa nasud.
Ang PSAC gilangkoban sa mga business leaders ug mga industry experts nga naghatag og technical advice sa presidente pagkab-ot sa mga economic objectives sa gobyerno diha sa unom ka mga sector -- agriculture, digital infrastructure, healthcare, infrastructure, jobs generation, ug tourism.
Nakatala ang Pilipinas og 2.65 million ka mga dumuduong nga mga bisita gikan sa Pebrero hangtud Disyembre, 2022, diin 2.02 million niini mga foreign tourists ug 628,445 ang mga Filipinos overseas.
Mas taas kini kay sa 2021 tourist arrivals bali og 163,879 apan tataw kaayong mas ubos kay sa wala pa ang pandemya nga miabot og 8.26 million.
Karong tuiga, ang Department of Touism (DOT) nag-target pag welcome sa 4.8 million visitors nga makalikom og P 2.58 trillion nga kinitaan. (PND/Ginhubad ni MMP/PIA Southern Leyte)
