DAKBAYAN SA BUTUAN -- Hugot ng ma-imposar sa lungsod sa Nasipit, Agusan del Norte ang bag-ong fees ug charges sa Nasipit Port alang sa tanang pasahero nga mosakay sa bisan unsang barko nga padulong sa bisan asang pantalan sa Pilipinas. 

Kini maoy unod sa Municipal Ordinance No. 004-2022 nga gipangamahanan ni Sangguniang Bayan Member Arcelo P. Tamayo, nga patas-an ang Security ug Sanitation fee gikan Singko ka pesos (P/5.00) ngadto sa baynte ka pesos (P/20.00). 

Angay matod pa patas-an ang fee aron masiguro nga mamentinar ang sanitasyon sa palibot niini ug masiguro ang seguridad sa publiko ilabina sa tanang mga pasahero niini.

Ang lakang subay sa Section 129 sa Republic Act 7160 o Local Government Code of 1991 ug otorisado ubos sa Section 447 (3)(i) sa susamang code.

Base sa rekomendasyon sa Committee on Ways and Means diin tsirman si Bokal Francisco Y. Chan, Jr., ang nasangpit nga ordinansa naaprobahan atol sa sesyon regular niadtong Enero 10. (LGU Agusan del Norte/PIA Agusan del Norte)