TACLOBAN CITY -- Diri angay mabaraka  an mga  kablas o indigents nga waray igarasto pagpa check-up o pagpa-laboratory ngan  masingadto la ha Tacloban City Hospital (TCH), kay damo an libre nga medical services.

Sumala kan Dr. Joedina Baleos-Gumagay, chief of hospital, nagpapadayon an ira libre nga Dialysis, CT Scan,  X-ray,  Ultrasound, Mammogram, Blood Chemistry, ug iba pa.

Kun waray ha City Hospital an ginkikinahanglan nga serbisyo han pasyente, igintutubyan ini ngadto ha Remedios Trinidad Romualdez (RTR) Hospital ha Calanipawan Road hini nga syudad kay may-ada Memorandum of Agreement an TCH ngan han RTR Hospital para hini nga sumpayan han ira serbisyo medikal ngadto han mga kablas, siring ni Dr. Gumagay.

An may mga inaabat nga problema ha panlawas nga karuyag makapahimulos han libre nga serbisyo-medikal, makadto la ha TCH para magpa schedule.

Nabubuhat ini nga mga libre nga serbisyo medikal mahitungod nga an TCH in may-ada pundo para han Medical Assistance for Indigent Patients (MAIP) program, dugang pa nga pahayag ni Dr. Gumagay. (TCIO)