DAKBAYAN SA BUTUAN -- Hugot ang suporta sa lokal nga panggamhanan sa Agusan del Norte sa pagpanguna ni Governor Ma. Angelica Rosedelle M. Amante, sa Cabadbarano’ng representante sa probinsya sa Agusan del Norte,  nga usa sa mga opisyal nga kandidata sa Miss Universe Philippines (MUPH) nga si  Jannarie Q. Zarzoso.

Ang Sangguniang Panlalawigan  sa Agusan del Norte nagpaabot og financial assistance alang sa dugang suporta kay Zarzoso sa kantidad nga P100,000.  Pinaagi sa suporta sa kantidad nga subay sa Tourism Promotional Programs sa probinsya, ang gigahin nga kantidad makatabang sa iyang gasto sulod lamang sa 4 ka bulan nga gidugayon sa pageant nga angay nga pagakuhaon nga pundo sa probinsya.

Kini nga inisyatibo og programa nga nag-awhag sa mga babaye sa pagpalambo sa pagsalig nga  ilang gikinahanglan aron makab-ot ang ilang bug-os nga potensyal, alang sa usa ka masaligon nga babaye nga adunay gahum sa paghimo sa mga kausaban, sugod sa iyang kaugalingon nga komunidad uban sa usa ka potensyal sa pagkab-ot sa global audience.

Ang maong lakang giaprobahan pinaagi sa Sangunian Resolusyon No. 185-2023 nga gipangamahanan ni Vice Governor Enrico R. Corvera, tsirman sa Committee on Finance and Appropriation atol sa ika 33rd Regular Session kaniadtong Marso 28, 2023. (Ramil L. Pasco, PLGU Agusan del Norte/PIA Agusan del Norte)