DAKBAYAN SA BUTUAN -- Giplastar sa Congressional District Office (CDO) ni Kongresista Dale B. Corvera, sa Department of Labor and Employment (DOLE) ug sa mga representante sa Public Employment Service Office (PESO) sa Cabadbaran City ug matag lungsod sa Agusan del Norte ang implementasyon sa Government Internship Program (GIP) nga himoon sa mosunod nga tulo ka bulan.
Mosuma sa 205 ka interns ang gitakdang makatrabaho sa tag P350 and adlaw sulod sa 22 ka adlaw matag bulan sulod sa tulo ka bulan.
Subay sa direksyon sa pagpalambo nga gipahiluna sa CDO pagsuporta sa direksyon sa probinsya, ang mahimong trabaho sa mga interns mao ang pag-update ug pag-refine sa business plans sa mga core processing projects sa mga lungsod ubos sa Plant and Process for Properity (Agus 3Ps) Program sa AGUSAN UP! Development Campaign. Nag-apil ang maong kampanya sa magkaluhang proyekto nga Plant! Plant! Plant! ug Process! Process! Process!
Kabahin sa buluhaton mao ang pagpangalap og mga datos kalabot sa value chain sa siyam ka nag-unang high value crops sa probinysa sama sa: abaca, banana, coconut, cassava, coffee, cacao, rubber, mango ug uban pa nga fruits ug commercial trees.
Apil usab sa himoon mao ang paghimo og data base sa makuhang mga datos, paghimo’g mga workshops pag-analisa ug pagsulat sa core processing projects development and investment generation plan. (Agusan del Norte 2nd Congressional District Office/PIA Agusan del Norte)
