DAKBAYAN SA BUTUAN -- Nangabot na ang mga himan alang sa serbisyo sa edukasyon ug panglawas nga ipaabot sa Aboitiz Foundation isip kabahin sa mga serbisyo niini sa pipila ka komunidad sa segundo distrito sa Agusan del Norte sa pakig-alayon sa buhatan ni Kongresista Dale B. Corvera.

Unang nangabot ang mga himan alang sa blended learning nga ipadangat sa La Union National High School sa milabay'ng semana sa Cabadbaran City. 

Miabot usab niining semana ang health services kits nga ipadangat sa Barangay Simbalan, Buenavista.

Gitakdang mobisita sa probinsya ang kadagkuan sa Aboitiz Foundation kauban si Kongresista Corvera, ingon man si Gob. Ma. Angelica Rosedell M. Amante,  para i-turnover ang maong mga himan sa mga benepisyaryo niini.

Pipila pa ka samang proyekto ang gilantaw nga ipahiluna ubos sa nasangpit nga partnership. (Remegio Claro, Agusan del Norte 2nd Congressional District/PIA Agusan del Norte)