Maraming salamat sa ating butihing Kalihim ng bagong departamento, Department of Migrant Workers. [Please sit]

At ang ating mga --- babatiin ko ng Happy New Year at ang ating mga bagong bayani ng Pilipinas. At nandiyan po, sinama ko na rin po ang iba sa aking pamilya, nandito po ang aking mga anak para makita nila at maramdaman nila ang sakripisyo na ginagawa ng ating mga OFW para tulungan ang kanilang pamilya, para tulungan ang kanilang mga komunidad at ang Pilipinas.

Andito po ang aking pangalawang anak, si Simon, Simon Marcos. [Stand up, para they’ll see you from far] [applause] Ito si bunso namin, si Vincent, Vincent Marcos. [applause] At siyempre, the better half of the presidency, the First Lady, Liza Marcos. [applause]

Ako’y nagagalak na makasama ko kayong lahat dito dahil ito ‘yung naunang konting pagbigay ng ating mga pag-regalo sa ating mga OFW at lalong lalo na sa mga anak at pamilya. 

Bago po lahat ay gusto ko sanang pasalamatan at magbigay-pugay sa ating mga itinuturing na bagong bayani, ang ating mga OFW para sa lahat ng mga nagawa ninyo para sa atin, para sa inyong pamilya, para sa inyong bansa. 

Malapit po sa akin ang mga OFW at ang kanilang mga pamilya. Kaya naman sa ating administrasyon, lalo nating pinagtitibigay ang Department of Migrant Workers upang mas mabilis ang serbisyo at pagkalinga para sa ating mga bagong bayani. 

Ngayon, higit kailanman ay napakahalaga ng papel na ginagampanan ninyo na maiahon ang ating ekonomiya at maiangat ang antas ng pamumuhay ng inyong pamilya at kapwa Pilipino. 

Dahil sa inyo, nagkaroon ng magandang imahe ang ating bansa sa buong mundo. Tinitingala ang mga manggagawang Pilipino bilang isa sa mga pinakamagagaling. Hindi na isa sa pinakamagagaling, ‘yung pinakamagaling at pinakamasipag at pinakamaalagain sa buong mundo. [applause]

Talaga naman maipagmamalaki natin na tunay na walang katumbas ang inyong husay, lakas, galing, sipag, kabaitan, at sakripisyo. Kayo ang patunay na kayang magtagumpay ng Pilipino saan mang dako ng mundo mapunta. 

Binabati ko rin ang lahat ng mga opisyal ng Kawani at Kawani ng Department of Migrant Workers sa inyong unang anibersaryo bilang isang ganap na ahensya.

Sa nakaraang taon ay nakita natin na buong sigasig na nagtatrabaho ang kagawaran upang siguruhin ang interes at kapakanan ng ating mga OFW.

Ngunit, ang may kaunting pagbabago. Kagaya po ng ipinaliwanag ni Secretary Toots, ay ngayon ay hindi lamang natin tinitingnan ang mismong mga OFW, ang mismong mga nagtatrabaho sa abroad, kung hindi pati na ang inyong mga pamilya. 

At kasama na siguro diyan ay pinag-uusapan po natin ay ‘yung pabahay, ‘yung mga scholarship program, ‘yung mga iba’t ibang serbisyo at benepisyo na maibibigay natin dahil alam naman namin na kayo’y nagsasakripisyo at napakalaking bagay ng inyong --- ng bunga ng inyong sakripisyo. Hindi lamang para sa inyong mga pamilya, hindi lamang para sa inyong mga komunidad, kung hindi para sa buong Pilipinas.

At alam din namin, na kapag kayo ay nasa abroad at kayo’y nagtatrabaho, ang lagi ninyong inaalala ay ang inyong pamilya. Kaya’t siguro karapat-dapat lamang na ang Department of Migrant Workers ay hindi lamang migrant workers ang inaalala at inaalagaan, kung hindi ang mga pamilya ng migrant workers.

Siguro, ‘yan na ang pinakamalaking pagbabago sa ating Department of Migrant Workers na hindi lamang ang mismong OFW na nasa abroad na nagtatrabaho, ay pati na ang inyong mga pamilya ay titingnan natin ang kanilang kalagayan at kung ano man ang kanilang pangangailangan at sa lahat ng aming kakayahan ay ibibigay natin ang tulong para sa inyong mga pamilya.

Kaya’t natutuwa naman ako na anim buwan pa lang ang bagong departamento, ang bagong Department of Migrant Workers ay malaki nang pagbabago ang ating nakikita. Hindi lamang sa mga gawain ng departamento, kung hindi ‘yung ating pag-trato sa ating mga OFW.

Kaya’t siguro naman, sana naman ay inaasahan namin na kahit papaano dito sa pagsimula ng ating bagong konsepto, ng aming bagong polisiya dito sa ating mga migrant workers, ay maramdaman na kaagad ay sinimulan na natin dito sa pamimigay ng konting regalo. Hindi lamang ulit para sa OFW lamang, kung hindi para sa mga pamilya.

Ang naiwan na lang po para sa akin ay bumati sa inyong lahat. Unang-una, welcome to the Malacañan Palace. [applause] Mula nung ako’y bumalik, dahil siyempre nung panahon ng father ko, nakita ko sabi ko, “ang ganda-ganda ng Palasyo.” Sabi ko, “sayang naman, hindi nakikita, tayo lang ang nakakakita.” Kaya’t nabuksan ko na po ito. Binuksan ko na po ito nung Simbang Gabi. Nandito ang mga nag-aantay bago sisimba.

Kaya’t, ito bukas na bukas ang Palasyo sa inyo. Hindi lamang dito sa grounds, ngunit kung hindi sa pakikinig at sa pag-uunawa sa inyong mga problemang hinaharap. [applause]

Kaya’t ang naiwan sa akin na lang ay bumati na lang sa inyo ng Happy New Year. Manigong Bagong Taon po sa inyong lahat. 

Maraming, maraming salamat.  [applause] Magandang umaga po sa inyong lahat. Mabuhay ang ating mga OFW at ang kanilang pamilya. Maraming salamat po. [applause]  

­­---- END ---

Watch here: Pamaskong Handog Para sa Pamilyang OFW

Location: Kalayaan Grounds, Malacañang, Manila