Madalas siyang umiiyak dahil kinakantyawan ng "ah supot, ah supot" ng kanyang mga kalaro.

Sa edad niyang siyam ay malaki ang pangangatawan at matangkad na bata kaya napagkakamalan si Gab na binata na pero supot pa.

Nais naman ng kanyang mga magulang na ipatuli siya pero may kamahalan din. Wala na kasi yung mga sinaunang tradisyon ng nagtutuli na ginagawa lang sa ilog ng isang magtutuli tuwing summer.

Ayon sa ama ni Gab, nung kanyang panahon ay pinangunguya siya ng preskang dahon ng bayabas na siyang ipapahid sa kanyang bagong tuling ari. Pero ngayon, bawal na at kailangang may gamot na pagkatapos matuli.

Mangilan-ngilan na rin kasi ang nagbibigay ng libreng tuli kaya't nung mabalitaaan na magkakaroon ng libreng tuli bilang bahagi ng kaarawan ni Iguig Mayor Ferdinand Trinidad ay dali-dali naman siyang ipinalista ang kanyang ina.

Bagamat alas sais palang ng umaga ay marami ng batang nakapila, tiniis ni Isang na samahan ang kanyang anak at mga pamangkin mapabilang lamang ang mga ito sa mha matutuli.

Bagamat may mga volunteer doctors ang Rural Health Unit ng Iguig at mga doctor at nurse ng BFP at CVMC ay natagalan ang pagtutuli dahil halos dumoble ang mga nakapila. Alas tres ng hapon ay nasa mahigit 200 na ang natapos samantalang 214 pa ang naghihintay ng kanilang torno.

Ayon naman kay Gab, nararamdaman na niya ang bahagyang sakit dahil wala ng bisa anesthesia subalit may pain reliever naman daw na binigay.

Dagdag niya, mas masakit daw ang makantiyawan siya ng "supot".

Samantala, nagbigay naman ng babala ang mga doctor na panatilihin nilang malinis ang bagong tuli nilang ari at huwag maglagay ng kung anu-ano upang hindi ito maimpeksiyon.

Excited naman si Jake sa maaaring pagbabago sa kanyang katawan sa mga darating na araw.

Sa Pilipinas, kadalasang ginagawa ang pagtutuli bago magbinata ang isang lalaki o 'di kaya ay habang sanggol pa ito. 

Ito ay bilang good hygiene pactice.

Ayon kay Dr. Ma. Angelica Taloma o mas kilala bilang Doc Nica kung saan isa sa mga volunteer works niya ay ang pagbibigay ng libreng tuli, malaki umanong tulong ito lalo sa mga nasa liblib na lugar upang miligtas ang mga bata sa panganib at impeksyion.
Payo rin niya sa mga kabataan na huwag katakutan ang pagpapatuli at inihalimbawa nito ang isa niyang pasyente na bumibirit sa pagkanta habang tinutuli upang maibsan ang kaba.

Sa isang artilulo, ayon kay Dr. Lulu Marquez, may mga taong ayaw magpatuli dahil sa kanilang kultura o personal na kadahilan pero paalala niya, dapat handa umano ang mga ito sa maaaring komplikasyon ng hindi pagpapatuli.

Isang medikal na kondisyon na kung tawagin ay "Phimosis" kng saan hindi mo ma-retract yung extra balat mula sa ulo ng ari. Hindi umano nakakatulong ang extra na balat para sa good penetration tuwing nakikipagtalik at bukod sa hindi nahahatak ang sobrang balat ay puwede rin "mangamatis" ang aring hindi natuli.Maaari ring pamuuan ng dumi ang nasabing balat.

May tinatawag ding "balanitis" o pamamaga ng glans o ulo ng ari na maaaring ma-trigger sa lalong pangangamatis kung nandoon pa ang balat.

Paliwanag pa niya na malaki ang tsansang dapuan ng human immunodeficiency virus (HIV) at human papillomavirus (HPV) ang mga lalaking hindi tuli.

Paalala niya sa mga magulang, dalhin ang bata sa doktor at huwag ipaubaya sa nakagawiang "de-pukpok" at sabay duduraan ng nanguyang dahon ng bayabas. (OTB/GVB/PIA Cagayan)