LEGAZPI CITY (PIA) — Itinampok ng coffeepreneurs mula sa iba’t ibang bayan ng Albay ang kanilang abot-kaya ngunit dekalidad at nakatatakam na mga produkto at serbisyo sa Coffee Festival na pinangunahan ng SM City Legazpi.

Layunin ng coffee festival na mabigyan ng pagkakataon ang maliit na mga negosyante ng kape na ipakita at makilala ang kanilang produkto.

Ayon kay JV Olayta, 25 taong gulang, may-ari ng kape sa harong at mula sa bayan ng Guinobatan, nagsimula ang kanyang negosyo sa kalagitnaan ng pandemya taong 2020.

‘’Before, I was a barista for a local coffee shop, nag-pandemic naisipan ko na mag-resign that time iyon na ang nag-urge saakin na why not pursue doing pop up coffee, nag start ako noon sa bahay kaya ang pangalan ng brand ko is kape sa harong,’’ saad ni Olayta.

Ani Olayta, sumubok din siya na mag pop-up sa Puro Boulevard sa Legazpi City at Camalig bypass road.

‘’Doon ako nag-start na magkaroon ng coffee tricy cart and coffee van,’’ dagdag pa ni Olayta.

Aniya, napaka-laking oportunidad ang makatanggap ng suporta mula sa SM City Legazpi para sa kanilang maliit na negosyo lalo na sa lokal na magsasaka ng kape.

Mula nang buksan sa publiko ang coffee fest nitong ika-1 hanggang ika-7 ng Hulyo, masaya si Olayta dahil mataas ang kaniyang kita sa isinagawang aktibidad.

‘’Yung revenue naman is around five-digits naman…at more than double ang balik mula sa initial investment,’’ saad ni Olayta.

Ibininahagi ni Barquez na doble ang kaniyang kita sa Mese Brew.

‘’So far, naka-2,200 cups na benta na kami every cup ay nagkakahalaga ng P39 lang, napaka affordable lang siya and yung quality ay talagang 100% produced coffee ang ginagamit namin,’’ dagdag pa nito.

Takam, sarap

Ipinakita ng Superlicious bakeshop ang iba’t ibang produkto na kanilang binebenta sa SM City Legazpi Coffee Festival.

Ayon kay Maria Lyssa Usison, kapamilya ng may-ari ng Superlicious bakeshop nagsimula ang kanilang negosyo 10 taon na ang nakalipas.

‘’Nagsimula ito bilang bakery then after, nagkaroon kami ng pwesto dito sa SM, hindi lang siya pure on breads, nag-add na din kami ng coffee, iba’t ibang klase ng kape ay hot tea iced and frapes,’’ saad ni Usison.

Ani, Usison patok din sa publiko ang kanilang personalized cake na may iba’t ibang flavors.

Mayroon din silang pwesto sa third floor ng SM at sa Brgy. Bogtong, Legazpi City.

Binigyang diin ni Usison na sa kabila ng pagtaas ng presyo ng mga sangkap ng kanilang produkto, hindi nila binababaan ang kalidad ng mga ito upang makapag bigay ng masarap na kape sa tumatangkilik sa kanilang produkto. Anya, sa packaging na lang sila bumabawi.

Dagdag pa nito, magandang oportunidad ang coffee fest sa kanila dahil nagtutulungan sila na mas makilala ng masa ang kanilang produkto. (PIA5/Albay)