SYUDAD SANG ILOILO (PIA) – Ginhatagan na sang lokal nga panguluhan sang Lambunao, Iloilo sang food packs kag sin ang pamilya nga naguba ang ila balay sang buhawi nga nagluntad sa banwa sang Hunyo 25.

Ginpahayag ni Gina Aris, Municipal Information Officer sang nasambit nga banwa, nga pito ka balay ang totally damaged kag 35 naman ka iban pa ang partially damaged sa tion sang insidente, santo sa datus sa ila talatapan.

Nahamtang ang mga naguba nga balay sa syam ka barangay sang banwa nga ginalakipan sang Jorog, Legayada, Simsiman, Supoc, Cayan Este, Lanot Grande, Lanot Pequino, Corot-on kag Quiling.

Suno kay Aris, ang ila lokal nga Disaster Risk Reduction and Management Office padayon pa nga gina-assess ang kahalitan sang buhawi sa iban nga barangay. (JSC/laf/PIA6 Iloilo)