TAGBILARAN City, Bohol, July 6 (PIA) -- Nagpahayag ang usa ka public health expert, Hulyo 5, nga ang mga mga nakakompleto na sa pagbakuna, dili na mahiagom og sakit grabe nga Coronavirus Disease (COVID-19).

Kini pagkahuman gipahibalo sa Inter-Agency Task force for the Management of Emerging Infectious Disease (IATF-EID), ang mga indibidwal nga nabakunahan nga nagbiyahe sulod sa Pilipinas, dili na kinahanglang magpakita sa resulta sa swab test.

Ang nakakompleto sa pagbakuna magpakita lamang og vaccination card para sa Interzonal sa pagbiyahe ug Intrazonal nga kalihukan.

Sa usa ka post sa Facebook, gipasabot ni Dr. Edsel Salvana, nga ang nakakompleto sa pagbakuna “dili na grabi nga naapektohan” bisan kung adunay impeksyon, kay gamay ra ang iyang viral load.

Samtang, ang nakakompleto sa bakuna nga nakaduol sa usa ka kumpirmado sa COVID-19, apan wala’y simtomas, kinahanglan na lang magquarantine sa 7 ka adlaw gikan sa petsa sa katapusang kontak.

Bisan pa, gipamatuud ni Salvana nga kung ang nakakompleto sa bakuna, mopakitag simtomas sa 7 ka adlaw, kinahanglan pa gihapon og usa ka test ug kinahanglan tambalan isip covid-19 nga suspetsado ug iisolate kini sa 10 ka adlaw kung mild lang ug 21 ka adlaw kung grabe. (RAHC/Ruffa Mae F. Evardo)