TAGBILARAN CITY, Bohol, July 7 (PIA) -- Nag tan-aw ang Philippine Health Insurance Corporation (PhilHealth) aron marpaso ug mapamaayo pa ang rate sa coronavirus disease (COVID-19) benefit package alang sa ma-ospital tungod niini.
Matod ni PhilHealth Spokesperson Shirley Domingo nga ipatuman nila sa dili madugay ang bag-ong in-patient package alang sa COVID-19.
Taho ni Domingo niadtong Hulyo 6 nga gitun-an na sa PhilHealth ang pag-ugmad sa benefits package sa tinud-anay aron aduna nay rekomendasyon alang niini.
Dugang pa niya, bisan unsang orasa sa dili madugay ipatuman na ang mas gipaayo nga package for in-patient nga pag-atiman sa ospital alang sa COVID-19.
Sa pagkakaron, ang PhilHealth benefit package alang pasyente nga naCOVID mao ang mosunod:
- Sa mild pneumonia adunay ₱43,997,
- Sa moderate pneumonia adunay ₱143,267,
- Sa severe pneumonia adunay ₱333,519,
- Sa critical pneumonia adunay ₱786,384.
Samtang, si Domingo, miingon nga ang PhilHealth hangtod karon nagabayad sa nagkalain-lain nga healthcare facilities sa katibuk-an nga ₱36 billion alang sa Covid-19 benefit package. (RAHC/PIA Bohol/Analyn Socobos)