NAGKADAIYANG PAGHUBAD. Nagkaguliyang ang sistema sa pagpanawat sa mga LSI dihang gisugyot sa IATF nga ang full vaccination pwede na nga magamit isip pagmatuod nga walay sakit ang mibyahe. (RAHC/PIA7 Bohol/File Photo)
TAGBILARAN CITY, Bohol, July 8 (PIA) -- Gimanduan sa Department of Health (DOH) ang mga Local Government Units (LGU’s) sa pagpadayun ug sunod sa palisiya sa pagpanawat niadtong mga hingpit nang nabakunahan, kinsa buot na nga mga namauli.
Mahimo nga lakip na usab niini ang pagpangayo sa negatibong resulta sa swab test, nga kinahanglanon sa pagpa uli.
Dinhi, ang Inter-Agency Task Force for the Management of Emerging Infectious Disease (IATF-EID) miaproba sa IATF Resolution No.124-B nga nagtugot nga ang vaccination card mahimong gamitong requirements sa dili pa mo byahe ug sa pagsulod sa mga lokalidad.
Samtang ang IATF Resolution No.101 nga nagpadayun gehapong gisunod sa LGU’s nga kinahanglan mangayu ug negatibong RT-PCR result sa dili pa makasulod sa lokalidad.
Sa laing bahin, gipahayag sa DOH nga ang antigen wala gitugot nga gamitong usa ka requirement sa pag-pauli.
Ang mga LGU’s manawat lang sa mga hingpit nang nabakunahan og kadtong adunay negatibong resulta sa swab test, dason sa DOH.
Dugang pa sa DOH nga ang pagpadayun sa pagtesting mamauli nga adunay simtomas, ipadayon isip sa mahinungdanong lakang sa pagkontrol sa Interzonal border. (RAHC/PIA7 Bohol/Mae Ann Grace C. Rubia)
